5. þáttur Þór Bæring Ólafsson

 

Þór Bæring byrjaði snemma í fjölmiðlum var í útvarpi og sjónvarpi sem honum fannst mjög skemmtilegt. Hann ákvað í kjölfarið að gera bara eitthvað skemmtilegt í lífinu. Þór fór að vinna í vefmiðlum og stofnaði ásamt Braga Magnússyni sport.is. Útfrá sport.is varð svo til ferðaskrifstofan Markmenn. Þeir fóru í samstarf með Iceland Express sem þróaðist á þann hátt að Iceland Express keypti Markmenn og úr varð Express ferðir þannig hefst innkoma Þórs í ferðabransann

Þegar WOW air kemur svo inn á markaðinn sáu þeir félagar tækifæri til að komast aftur inn í ferðabransann og stofnuðu Gaman ferðir fyrir 5 árum síðan. Það samstarf hefur gengið vel og það vel að WOW keypti 49% hlut í Gaman ferðum. Þeir eru nýverið byrjaðir að bjóða uppá ferðir til Íslands og eru meðal annars að reyna að  beina ferðamannastraumnum á fleiri staði á landinu en almennt er gert í dag.

Þór segir að maður verði að elta sannfæringuna þegar draumurinn um að vinna sjálfstætt byrji að krauma. Hann var í skemmtilegu starfi hjá VÍS en vissi að hann langaði að vera sinn eiginn herra.

Gaman ferðir byrjuðu í eldhúsinu heima hjá honum í blokk í Hafnarfirði og en þeir hafa alltaf reynt að hafa litla yfirbyggingu. Í dag eru 12 starfsmenn hjá Gaman ferðum. Fyrirtækið hefur vaxið  mjög hratt og þetta verið krefjandi verkefni.

Gaman ferðir byrjuðu í sport ferðum en í dag hefur það þróast í allar gerðir af ferðum svo sem árshátíðarferðir, fyrirtækjaferðir þeir eru einnig mikið í sólarferðum og bjóða uppá æfingaferðir, borgarferðir  og skíðaferðir.

Þór og félagar eru nýkomin frá London af World travel market að kynna sig til leiks þar.

Mikill áhuga var í Bretlandi og Evrópu  á þeirra starfsemi og er einnig stefnan að  nota mikið tenginguna við WOW air til að efla þann hluta.

Fyrstu árin voru Gaman ferðir nánast eingöngu að markaðssetja sig á samfélagsmiðlum. Facebook og Twitter hafa nýst þeim mjög vel og gerir enn.
Að sögn Þórs er gott að vera í samskiptum við viðskiptavini á samfélagsmiðlum.

Gaman ferðir leggja áherslu á að hafa gaman í vinnunni, halda borðtennismót á hverjum föstudegi, fara saman út og reyna að hittast reglulega þó það sé stundum erfitt að ná öllum saman þar sem margir eru á ferð á flugi.
thor-baering-trommur

Áhugi og metnaður er ekki síður mikilvægt en menntun við ráðningu starfsfólks

Í öllum viðskiptum kemur einhvern tíma eitthvað uppá og mikilvægt að reyna að grafa það ekki heldur leysa málin segir Þór þegar talið berst að þjónustumálum.

Skildu eftir svar

Netfang þitt verður ekki birt. Nauðsynlegir reitir eru merktir *

Hvað er að frétta?
Loading...