Ragnar Bjartur Guðmundsson hjá vefgreining.is kíkti á mig til þess að ræða vefmælingar.
Afhverju að mæla, hvernig, og með hverju?
Ragnar hefur yfir 15 ára reynslu af vef- og markaðsmálum.
Hann hóf ferilinn sem vefstjóri Torg.is og fór í framhaldi af því í bankageirann þar sem hann starfaði til ársins 2007.
Þá flutti hann sig um set til Marel, þar sem hann stýrir greiningu á árangri af markaðsstarfi, auk þess að sinna framsetningu á fjármálalegum upplýsingum.
Ragnar heldur ennfremur úti vefnum Vefgreining.is og hefur komið að greiningu á vefmálum og uppsetningu stafrænna mælinga hjá fyrirtækjum á borð við Capacent, Húsgagnahöllina, Betra bak og Dorma. Þá hefur hann verið gestafyrirlesari í Háskóla Íslands.
Í þessum þætti minnist Ragnar meðal annars á þá Þór hjá The Engine , Sigurjón hjá Fúnksjón, og Jón Heiðar hjá Iceland Travel en þeir hafa allir verið gestir hjá okkur, Jón Heiðar í þætti 27 Þór í þætti 20 og Sigurjón í þætti 15
